OCR
Vere sanctus, vere benedictus, vere adorandus es Domine Deus noster. Ab occultis nostris munda nos, et ab alienis parce servis tuis; ut cum fiducia valeamus dicere orationem illam regalem, quam dominus et salvator noster, per evangelium suum orare nos docuit, dicens: Cum oratis, dicite: Pater noster etc. Libera nos quaesumus Domine ab omnibus malis, praeteritis, praesentibus et futuris. Libera nos a gladio, fame, peste, tentatione, et ab omnibus periculis. Per dominum nostrum etc. Oremus Domine sancte Pater omnipotens, pater domini nostri Jesu Christi exorcizantem, bene+dicentem, et consecran+tem me creaturas istas: salis et aquae exaudire digneris; ut in virtute domini nostri Jesu Christi sit salus, sanitas, et purificatio omnibus hominibus, quibus aspersae et a quibus degustatae fuerint; habeant potestatem ef fugandi immundos spiritus, dissipandi fulgura, avertendi grandines, et exterminandi omnes adversitates humanae naturae. Per dominum nostrum etc. Dominus vobiscum. R. Et cum spiritu tuo. Benedicamus domino. R. Deo gratias. Benedicat vos creatuae salis et aquae omnipotens Deus Patter, et Fi+lius, et Spiritus + Sanctus. Et ego sacerdos Dei bene+dico te 0 creatura aquae in virtute bene+dictionis illius, quam tibi Christus dedit, dum in te a Joanne baptizatus fuit. Bene+dico in virtute privilegii illius, quo gloriose decorata fuisti, quando a Christo in vinum conversa fuisti. Bene+dico te in potentia virtutis illius, quam miraculose suscepisti, dum in natatoria Siloe virtutem sanandi accepisti. Bene+dico te in sacramento mysterii illius, quod in te repraesentatum fuit, quando cum sanguine Christi ex latere ejus profluxisti. Et demum puri+fico, bene+dico, atque sancti+fico te per pretiosam mortem domini nostri Jesu Christi, per puritatem sanctissimae Virginis Mariae, matris ejus, et per omnimodam bene+dictionem, quae data est in coelo et terra. Infundo quoque tibi ex authoritate mihi collata, omnem spiritualem virtutem, qua omni contagioni resistere, et quemcunque oppressum sanare possis. In nomine Pa+tris, et Fi+lii, et Spiritus + Sancti. Amen. V. Dominus vobiscum. R. Et cum spiritu tuo. Sequentia sancti evangelii secundum Joannem. 148