Page 144 [144]
OCR
Oremus Deus invictae virtutis auctor, et insuperabilis imperii rex, ac semper magnificus triumphator, qui adversae dominationis vires reprimis; qui inimici rugientis saevitiam superas; qui hostiles nequitias potenter expugnas, te Domine trementes et supplices deprecamur, ac petimus, ut hanc creaturam salis et aquae dignanter aspicias, benignus illustres, pietatis tuae rore sanctifices: ut ubicumque fuerit aspersa, per invocationem sancti tui nominis, omnis infestatio immundi spiritus abigatur, terrorque venenosi serpentis procul pellatur; et praesentia Sancti Spiritus nobis misericordiam tuam poscentibus ubique adesse dignetur. Per dominum nostrum in unitate ejusdem Spiritus Sancti etc. R. Amen. Post benedictionem aquae, sacerdos dominicis diebus antequam incipiat missam, aspergit altare, deinde se et ministros, ac populum, prout in Missali praescribitur. Postea Christi fideles possunt de ipsa aqua benedicta in vasculis suis accipere, et secum deferre ad aspergendos aegros, domos, agros, vineas et alia, et ad eam habendam im cubiculis suis, ut ea quotidie et saepius aspergi possint. b) Unnepélyes vizszentelés (vizkereszt) De benedictione aquae solenni FT 1739, 9-22. Benedictio aquae solennis ex Rituali in Concilio Tridentino edito, atque ex Sacerdotali et Nucleo benedictionum desumpta, et aliquantum abbreviata, quae benedictio solet in Austria, Helvetia, aliisque locis fıeri in festo epiphaniae, et reservari aqua per totum annum. Conveniens autem foret, ut fieret in dominicis quatuor temporum, in quibus plebs curat salem benedici, vel alio quocunque die, saltem semel in anno. Sacerdos indutus alba, vel saltem superpelliceo et stola, stans ante alveum aquae, dicit: Antiph. Vox domini super aquas, Deus majestatis intonuit: Deus super aquas multas. Psalmus [28.] Afferte domino fılii Dei [...] 143
