Seite 87 [87]
OCR
movere aculeos, immo vero guos ad scribendum subdere stimulos debent? Item facile contemno, guas et contempsi tamen semper, ineptias malevolorum, et nugas vere dixerim abortivas (prius enim pene emortuae guam editae), tuis mihi suffragantibus epistolis, etiam Phoenice vivacioribus. Ego vero alacer iam doctorum clamoribus adiutus ad huius calcem curriculi propero. Ouin (si modo tu non aspernaris) curabo extet ad posteros in religuis meis scriptis perpetuum non dixerim doctrinae tuae, guo guidem minus eges, sed certe benevoli inter nos animi testimonium. 2. Vale, Pictoriumque nostrum candidissimum hominem salvere iube meis et Pici verbis. Florentiae, quinto Idus lanuarias MCCCCLXXXX XXIII. Baptista Guarinus Angelo Poliziano suo s. d. 1. Nolim existimes maxima esse tuarum laudum praeconia quae ad te in epistolis praescribuntur. Multo enim maiora sunt quae studiosi humanitatis in animis suis ex libro tuo taciti concipiunt, aut cum in coetu sunt, de te colloquuntur. Uno ore omnes omnia bona dicunt, doctrinam tum praedicant, extollunt, admirantur. Nemo est qui pretio deterreatur quominus Miscellanea domi habeat unde discat. Haec sunt vera eruditionis testimonia, in quibus nulla est placendi adulandive suspicio. Quo magis miror dubitari a te an cupiam scriptis tuis famam meam immortalem fieri. Quasi cornea mihi sit fibra, non id ego quoque expetam, in quod fertur humanae naturae proclivitas. 2. Illud tamen monuisse aut saltem rogasse velim: ut et morsibus viventium et laudationibus (non enim adulationes appellaverim) quam minime in scribendo utaris. Nam praeterquam quod ea res dignitati scribentis officit, multi sunt qui magis affectionibus animi id scribendi genus quam vero iudicio acceptum referant. Non temere hoc dici putes. Audio enim persaepe quae de reliquis circunferantur. Et tamen liberum tibi in hisce rebus examen relinquo, quem etiam plus videre arbitror. 3. Salutem tibi Pictorii nostri verbis dico. Tu vero Magnificis Laurentio et Pico me commendabis. Vale. Ferrariae, XVI Calendas Februarias MCCCCLXXXX 85
