Oldal 404 [404]
OCR
40 45 50 55 10 Sic suasit pietas, sic pietatis amor. Tutus eas, latus alituum cingente corona, Te sacra cum stipent agmina, tutus eas. Sic ubi dura viae superabis taedia coeptae, Et tanges cari lumina cara soli. Barossii cum dextra cohaerebit tua dextrae, Pasceturque tuus vultus in ore suo: Illi doctarum Musarum nomine dices, Vive, vale, flore, sospes in orbe diu; Tu decus es nostrum, tu Phoebi dulcis alumnus, ‘Tu laus, tu sacri gloria magna chori. Nec non Nicoleo Mednenski plurima fausta Carthicii prima voce precere tui. Hos, aliosque mihi coniungens foedere amoris, Ut mihi rescribant, care rogato Mader. Scribere nos quoque nunc minime piguisset ad illos, Non fuerat scripti, sed seges ulla mei. Illorum subiet postquam mea limina Musa, Pieriis solvens ora rigata modis. Tunc nostro ludent faciles in carmine Musae, Tunc mihi Gorgoneo fonte bibentur aquae. Vade, favente Deo, et caeli praeeunte ministro, His ducibus felix ire, redire potes. Appendix 40. [164] Proteus. Ad magnificum dominum dominum Simonem Forgacz de Gymes, sacrae caesareae regiaeque maiestatis consiliarium, etc. Proteus undifluum primo vertatur in aequor Hoc mare sit rapidus ventus et aura furens, Hinc elementorum turpis confusio fiat, Quale fuisse chaos secula prisca docent. Ex his consurgat fulvum referendo colorem, Aspectu informis terribilisque leo. Post niger et liquidum volitando per aera corvus, Horrendumque fremens taetra sequatur avis. Huic ales subeat vario distinctus amictu, Iunonis quondam deliciae atque decus. Inde creetur olor niveo candore coruscans, 402
