Page 307 [307]
OCR
50 55 10 15 20 Ad sacra Musarum Pieriamgue domum, Quaeso novenarum per numina sacra sororum, Magne vir, ut propria me gravitate, iuves Commendesque meas — mereor si forsan — opellas. Desertae tradant quo mihi sceptra scholae Sentibus et spinis ne horrescat prorsus acutis, Tu donec nobis cultior hospes eas, Sic tibi quod superest, eat hic feliciter annus Cum consorte tori, filioloque, vale. 29. [52] Ad egregium dominum Simonem lessenski, etc. Valerianus Mader Mane novo gradiens lapidosi in littore Vagi Talia sollicito pectore questus eram. Post ubi iam celeris transirem fluminis undas, Qua pons directas ducit ab urbe vias. Scilicet hic virides cernuntur protinus horti Materiam menti qui peperere meae. Hos ego cum proprio conspexi lumine, dixi In tacito volvens talia verba sinu: Nulla adeo totos res est lustranda per hortos, Quae placidos fructus non aliquando daret Et salices circum virgultis undique saeptae, Ecce dabunt palos sub sua saepta novos. Fructiferis niveus candescit in arboribus flos, Dulcia qui Domino commoda mille dabit. Quid referam rubos? Et grati germina odoris Quae dant virgineo florida serta choro. Aemula purpureum referentia lilia florem Et violae tepido quae modo vere nitent. Ruta virens abigit quae saevos ictibus angues, Et quae mollita gaudet hysopus humo. Et quae nomen habet Cypridis de nomine cypris, Forte quod hanc teneri mater amoris amat. Cuncta dabunt gratos maturo haec tempore fructus Deciduo latum flore tegente solum. 305
