Page 304 [304]
OCR
Sic inopem nec tu debes postponere vitam, Nec doctam propter, commoda vana, scholam. 125 Haec est consilii ratio suadelaque nostri Fraternus quam me scribere iussit amor. Caetera digna tua quae cognitione putabo, Non tam difficili persequar ipse, stilo. Id superest scripti, poscit bonus ordo probandi, 130 Ut prece claudatur littera nostra pia. Sic tibi felicem Ianus pater inchoet annum Factus qui vitae est ianua vera, precor. Sic tibi vel venies, vel sede manebis in una Auxilio praesens adsit ubique Deus. 135 Verus Amor Longos Extet Robustus In Annos, Mutuus Ardori Deditus Esto Rogo. 26. [49] Gratiarum actio pro conservatione a periculo incendii in schola Zolnensi Quis tuum dignis celebrare nomen Laudibus, caeli poterit creator? Nostra quod tristi pie, liberasti Corpora flamma. 5 Flamma, quae nostris inimica tectis Serpere, et pubem teneram severo Spem gregis Christi laniare ovilis Coeperat ore. Spiritus taetri id truculentus Orci 10 Per suos fecit dubie haud ministros, Sacra qui sacri documenta verbi Turbat et odit. Ni tui nobis famulante coetus Robore adiutus, fateor, fuisset 15 Coetus hic atro penitus perisset Turbine flammae. 126 scribere iussit amor] Ov. epist. 4, 10; Ov. epist. 20, 230. 302
