Page 152 [152]
OCR
1790 1795 1800 1805 1810 1815 1820 1825 O hominum communis amor, te Ihraces adorant Ante feri, nunc mite genus, te praeside gaudent Contenti nihilo, aut quavis mercede beati, Scilicet omnis honos clarus sub principe claro. O quot ab occasu gentes Boreaque nivali Te dominum petiere sibi, sed fata recusant, Magnorum genitrix Arctoa Polonia Regum, Haec illa est fatalis humus, requiescite gentes Quas Stephani pius angit amor, non omnibus unus Natus erat populis, sinite incita currere fata. Volverat inter ea fatalem Phosphoros horam Bellipotens populi, quae Sarmatis orba patrono Versabat curas animo, cui sceptra dicaret Quo duce tuta foret, nec erat discernere promptum 137 Legitima veterum consumpto sanguine regum Libertas quae virgo patres ad fata vocaret. Nec longo mora iustitio, confine propinquum Hosticus urget eques, hinc interregna cruentus Excidio Moschus quatit, hinc pharetratus adurget Tartarus, inde Getes, illinc insultat Alanus.?* Sicut oves fretae quondam pastore fideli Mulcebant pingues laetis balatibus agro Sorte salus ovium si mox occumbat iniqua Dilectus pecoris custos, mutescit ovile Non fluit arenti dives mulsura papilla Sueta nec ulterius plaudunt per rura gregatae Non pastu invigilant, septae sed hiantibus ursis Nocte diem noctemque die praesepibus imis Submissae capita inter se metuuntque vocantque Talis erat populi custode carentis imago, Rege opus est, qui non ignava deses in umbra Otia lenta terat, nec qui mulieribus intus Dedat se illecebris, suetus cura exule totos Indormire dies, sed qui fera belliger arma Induat et patrios propugnet cuspide fines. Consultatio Polonorum. Ergo tribunitia permistus plebe Senatus, Rite freques examen init, suffragia ducunt Sortibus et versat censores urna lapillos. Hos opibus, bellis alios, aut stemmate nudo Discernit privatus honos, hos gratia formae 150
