Page 142 [142]
OCR
1430 1435 1440 1445 1450 1455 1460 1465 Adriadum et matri laudum stetit aemula Romae. At tu quae fueras donec stetit integra cervix Pannoniae iurata comes succurre parenti Nata vel invitae qua fas, humerisque benignis Naufragii fragmenta leva, tibi debuit ortum Debeat et vitam, meritoque obstringe perenni. Non est grata fides salvis afferre salutem Sors benefacta probat. Sic instaurante Camillo Relliquias patriae, melius collapsa revixit Roma vetus, pacis renovans effaeta senectam. Pannonios sic ante, gravi turbante ruina, Emicuit Corvina domus, te provida nostri Obice Carpathiae sepsit Natura coronae. Eia Deo ducente praei, nunc prisca resumme Acta patrum, arcanis egomet suffragia ducam Viribus, et sancti condam me corde Senatus Tu modo, quae menti sedit sententia, disce. Est iuvenis totam qui spe modo concipit Arcton Bathoreae lux una domus, cui credita fato Lapsa salus patriae civiles iniice curas: His humeris: Sed quam timeo ne forte recuset, Tam parvas, tam magnus opes, et temnat egenam; At non is iuveni rigor est, terrere timentem Maiestas proavita vetat, succurrere lapsae, Et Virtus et Di subigent, audacter adito 125 Tam multis confisa malis, et supplice fletu Ante pedes prostrata genu tunsoque procumbens Pectore, palantes defoeda pulvere canos. Ergo age et ut pudibunda thoro surrexerit Eos Rite Deum casto sacraria thure vaporans lustitio patres Albana ad moenia conci. Sola dees coeptis agedum desiste vereri Quid dubitas tali socia? mirabere corda Ismaria ceu tracta chely, tibi nectar hianti Abscondam coeleste labris, et Nestoreum mel. Haec ait, Albanasque volans iter urget ad arces, Pax sequitur quacunque ruit, micat igne corusco Regia, testatae dominam rubuere curules Icta Deae zelo subita face curia fulsit. Solus pampinea Stephanus tum forte sum umbra Pannoniae curas secreta in sede coquebat, 140
