Page 135 [135]
OCR
1200 1205 1210 1215 1220 1225 1230 1235 Matrem udi cinxere Dei, maestissimus Ister, Fluviorum Deus Arctoum dominator aquarum Et tristis Savus, occiduos qui pulvere faedo Abscondit vultus, crinemque obnubit arundo, Et Dacus Samos, et Marysus Dravusque bicornis, Et Thracum toties tepefactus caede Tibyscus. Stant sociae circum comites, hinc IIlyris, illinc Mysia”! Pannonicosque exuta Bohemia ritus Par habitus cunctis pariter mentita figura; Haec curtis saliens tunicis, et operta galero: Attritas vix tecta vates, hanc Thracius ambit Illam Itali mutilant habitus, et degener ensis Ut primum affari potuit lacrymaeque quierunt Sic prior. Agnoscisne meos puer unice vultus, Immemor ah nimium, nimiumque oblite parentis. Illa ego sum, ne chare meum ne horresce cruorem, Illa ego sum quae prima tuo cunabula patri: Nate dedi, Regum quondam faecunda creatrix Pannonia, infelix hodie gentisque nefandae Ludibrium, hunccine vos crudelis mater in usum Siccine progenui? per tot discrimina vitam Exul, inops, in formis ago, vos vulnera matris Vos siccis mea damna, genis mea verbera nati Negligitis, quae vestra fides? ubi Dacia? tandem Si locus est ullus lacrymis ad limina vestra 116 Confugio supplex mater, non amplius oro Ut vivam, non ut Macedo, Thrax, Thessalus, Hellas Me metuat, non ut gelidus mihi serviat Atlas. Omnia perdidimus, sat erit si mater habebor Atque pios videam gemitus, flentesque nepotes Ad tumulum, chari hoc unum concedite nati Si nil est vitae reliquum, ne vilior umbra Descendam ad nigros infletaque fabula manes. Dives eram venis auri differta trophaeis, Bellipotens, populosa, ferax, formosa, beata Ad Nothon a Borea mundo trepidante cucurri Infensi ceu ira Dei, vindexque flagellum Non mare, non tellus volucri, non obstitit Hunno Romanus rerum dominus, non obice Rheni Gallia tuta fuit, quicquid iacet inter Iberos, 133
