Oldal 131 [131]
OCR
1040 1045 1050 1055 1060 1065 1070 Deliciis fluat ille suis asarotica calcet, Faeteat unguentis Erythraeo dormiat ostro, Tu durare malis Hunnorum, more memento Vellere pro vili terram mare lustrat Iason, Invadit Strophadas cassa mercede volucres. Alcides, tenera pro virgine mollis Achilles, Virgo fit, et turpi mentitur plasmate sexum; Te nec vile pecus, nec aves, nec turpe lupanar, Sed charae virtutis amor tot inesse coegit: Tot superesse malis, nimirum Europa levanda, Hac cervice fuit, veterique animanda nitore. Mox ubi te genitrix post tot documenta recepit Curia, ab Elysiis animam remeasse putabant 110 Corvini, tam divino gaudebat avita Successore domus, coeunt iuvenesque senesque Attonitaeque nurus, ceu cum Phoenica?”” Assyriam videre novae, festinat ab ortu Ales ab occasu, coit omnis praepes et oscen Huc viduus turtur peregrinaeque currit hirundo, Stant omnes mutae circum et suspiria ducunt, Non flet canus olos fratrem, convitia cornix Absorbet, philomela sacros interpolat hymnos Eoae gaudent dominae micat hospita Phoenix In mediis roseos cervix cui Daedala cirros Errore irradiat dulci, cui purpurat ore Laetus honos, oculisque fluunt incendia ravis. Nec satis est vultus rosei nitor igneus, intus Pulchrior hospes erat, Virtus cum Pallade casta Fingebant animum et memori tibi mente sedebant. Quicquid habes reliquum bellis, causaeque foroque Impendis studiis, quicquid Romana vetustas Studium sapientiae. Cecropiique tegunt patres rimaris, et orbi Democriti risus, et sacra silentia magni Pythagorae, Heraclyti lacrymas, letumque Catonis Et Cynici vas apricum, puteumque Cleanthis, Perlegis immensi venerabile dogma Platonis Socraticamque domum. Si sint mage seria cordi Volvis inaccessum Divi noctesque diesque Flumen Aristotelis, Naturaeque abdita lustrans volucres 220 129
