Seite 435 [435]
OCR
potentia, fidenter et securus aggrediar, per te Jesu Christe Domine Deus noster, gui venturus es judicare vivos et mortuos, et saeculum per ignem. Resp. Amen. Deinde muniens se et obsessum signo crucis, circumposita parte stolae ad collum ejus, et dextera manu sua capiti ejus imposita, constanter et magna cum fide dicat ea quae sequuntur. Vers. Ecce crucem Domini, fugite partes adversae. Resp. Vicit leo de tribu Juda, radix David. Vers. Domine exaudi orationem meam. Resp. Et clamor meus ad te veniat. Vers. Dominus vobiscum. Resp. Et cum spiritu tuo. Oremus Deus, et pater domini nostri Jesu Christi, invoco nomen sanctum tuum, et clementiam tuam supplex exposco, ut adversus hunc et omnem immundum spiritum, qui vexat hoc plasma tuum, mihi auxilium praestare digneris. Per eumdem dominum nostrum Jesum Christum filium tuum, qui tecum vivit et regnat in unitate Spiritus Sancti Deus, per omnia saecula saeculorum. Resp. Amen. Exorcismus Exorcizo te, immundissime spiritus, omnis incursio adversarii, omne phantasma, omnis legio, in nomine domini nostri Jesu Christi + eradicare, et effugare ab hoc plasmate Dei +. Ipse tibi imperat, qui te de supernis caelorum in inferiora terrae demergi praecepit. Ipse tibi imperat, qui mari, ventis et tempestatibus imperavit. Audi ergo, et time Satana, inimice fidei, hostis generis humani, mortis adductor, vitae raptor, justitiae declinator, malorum radix, fomes vitiorum, seductor hominum, proditor gentium, incitator invidiae, origo avaritiae, causa discordiae, excitator dolorum. Quid stas et restitis, cum scias Christum dominum vires tuas per dere? Illum metue, qui in Isaac immolatus est, in Joseph venumdatus, in agno occisus, in homine crucifixus, deinde inferni triumphator fuit. Sequentes cruces fiant in fronte obsessi. Recede ergo in nomine Pattris, et Fitlii, et Spiritus + Sancti: da locum Spiritui Sancto, per hoc signum + crucis Jesu Christi domini nostri. Qui cum Patre et eodem Spiritu Sancto vivit et regnat Deus per omnia saecula saeculorum. Resp. Amen. Vers. Domine exaudi orationem meam. Resp. Et clamor meus ad te veniat. Vers. Dominus vobiscum. Resp. Et cum spiritu tuo. 434
