Oldal 434 [434]
OCR
bestiam, guae exterminat vineam tuam. Da fiduciam servis tuis contra nequissimum draconem pugnare fortissime; ne contemnat sperantes in te; et ne dicat, sicut in pharaone, qui jam dixit, Deum non novi, nec Israel dimitto. Urgeat illum dextera tua potens discedere a famulo tuo N. +, ne diutius praesumat captivum tenere, quem tu ad imaginem tuam facere dignatus es, et in filio tuo redemisti: qui tecum vivit et regnat, etc. Resp. Amen. Deinde praecipiat daemoni hunc modum: Praecipio tibi, quicunque es, spiritus immunde, et omnibus sociis tuis, hunc Dei famulum obsidentibus, ut per mysteria incarnationis, passionis, resurrectionis, et ascensionis domini nostri Jesu Christi, per missionem Spiritus Sancti, et per adventum ejusdem domini nostri ad judicium, dicas mihi nomen tuum, diem et horam exitus tui, cum aliquo signo; et ut mihi Dei ministro, licet indigno, prorsus in omnibus obedias: neque hanc creaturam Dei, vel circumstantes, aut eorum bona ullo modo offendas. Deinde legantur super obsessum haec evangelia, vel unum, aut alterum. Lectio sancti evangelii secundum loannem, haec dicens, signat se et obsessum, in fronte, ore et pectore. In principiio erat verbum etc. ut supra f. 99. Lectio sancti evangelii secundum Marcum. Marci 16. Lectio sancti evangelii secundum Lucam. Luc. 10. Lectio sancti evangelii secundum Lucam. Luc. 11. Vers. Domine exaudi orationem meam. Resp. Et clamor meus ad te veniat. Vers. Dominus vobiscum. Resp. Et cum spiritu tuo. Oremus Omnipotens Domine, verbum Dei Patris, Christe Jesu, Deus et dominus universae creaturae, qui sanctis apostolis tuis dedisti potestatem calcandi super serpentes et scorpiones; qui inter cetera mirabilium tuorum praecepta, dignatus es dicere, daemones effugate; cujus virtute motus tamquam fulgur de caelo Satanas cecidit; tuum sanctum nomen cum timore et tremore suppliciter deprecor, ut indignissimo mihi servo tuo, data venia omnium delictorum meorum, constantem fidem et potestatem donare digneris: ut hunc crudelam daemonem, brachii tui sancti munitus 433
