Page 425 [425]
OCR
In illo tempore nuptiae factae sunt in Cana Galileae [...] [Jn 2] R. Laus tibi Christe Oremus Domine Jesu Christe, aeterni Patris et Beatae Mariae Virginis filius, qui in Paradiso terrestri sanctum matrimonium in officium, et conservationem, atque multiplicationem humanae naturae instituisti, et ipsum matrimonium in adventu tuo ex primordiis miraculorum tuorum mirabiliter honorasti: quaesumus clementiam tuam, ut per merita et preces Beatissimae Virginis Mariae matris tuae et omnium sanctorum et sanctarum tuarum, digneris hunc famulum tuum N., quem matrimonialiter conjunxisti, bene+dicere, et liberare ab omni ligamento, fascinamento et maleficio Satanae et ministrorum ejus; et dare ei foecunditatem et gratiam, ut libere possit uti matrimonio suo, ad generandum, concipiendum et nutriendum prolem Deo et hominibus gratam. Qui cum Patre et Spiritu Sancto vivis et regnas in saecula saeculorum. Amen. Hic exorcista ponat manum super maleficiati et ipsum in fronte signando dicat In nomine sanctissimae et individuae Trinitatis, Patris+, et Filii +, et Spiritus Sanctit+ conjuro vos omnes angeli tartarei, tam absentes, quam praesentes, per eum, qui vos ejecit de superno coelorum habitaculo, qui fertis malum contra genus humanum, et qui fabricastis, et conservatis malum et maleficium huic creaturae Dei N. a malefico seu malefica procuratum, vel aliquo alio modo illi inflictum; ut ubicunque illud sit positum, statim et sine mora ab illo loco amoveatis, et in virtute Dei omnipotentis illud destruatis, et omne impedimentum illi injectum festinanter ad nihilum redigatis: ut libere et sine difficultate matrimonio uti possit, ad honorem Dei omnipotentis, qui illum creavit et matrimonialiter eum conjunxit. In nomine Pa+tris, et Filii+, et Spiritus+Sancti. Amen. Oremus Expelle Domine Deus omnipotens per virtutem tuam ab hac creatura tua N. omnes maleficorum vanitates et incursus daemonum, et per signum sanctae crucis + salvatoris nostri Jesu Christi, tolle potestatem, tolle imperium Satanae et angelorum, atque maleficorum ejus, et ne permittas illos nocere huic creaturae tuae N. memento Abraham, Isaac et Jacob, servorum tuorum, et miserere illi, atque libera eam ab omnibus maleficiis, incantationibus, ligaturis, signaturis et facturis sibi arte diabolica a quocunque malefico vel malefica factis, et redde illi 424
