Oldal 422 [422]
OCR
Et maledictio Dei omnipotentis Patris et Filii et Spiritus Sancti, et ira ac indignatio B. M. V. et omnium angelorum et sanctorum totius curiae coelestis veniant et descendant super vos spiritus ingratissimi et omnes vobis faventes. Et ego, ut minister Christi (licet indignus) auctoritate Dei omnipotentis Patris et Filiii et Spiritus Sancti, per virtutem domini nostri Jesu Christi et passionem ejus, absolvo hunc famulum (vel hanc lam) Dei N. ab omnibus maleficiis, incantationibus, fascinationibus, ligaturis, signaturis et facturis, ac malis umbris, atque machinationibus diabolicis, sibi arte diabolica factis, et ab omni opere Satanae et ministrorum ejus, ita ut omnes inveterata malitia diaboli et omne coecum et confusum phantasma eradicetur, fugetur et elongetur ab eo. Per eum, qui venturus est judicare vivos et mortuos, et saeculum per ignem. Amen. Hic exorcista ponat manum super caput maleficiati, signando omnia membra ejus, dicat: Oremus Expelle domine Deus omnipotens ab hac creatura tua N. omnia maleficia diaboli, omnesque incantationes, fascinationes, ligaturas, signaturas, facturas et omne opus Satanae et ministrorum ejus a capite, a capillis, a vertice, a cerebro, a panniculis cerebri, a fronte, ab oculis, a lingva, a sub lingva, de auribus, de naribus, de collo, de maxilis, de dentibus, de gutture, de gingivis, de ore, de palato, de ciliis, de superciliis, de pilis, de pedibus, de tibiis, de genibus, de cruribus, de partibus verecundis, de renibus, de lateribus, de intestinis superioribus et inferioribus, de foemore, de ventre, de stomacho, de corde, de spatulis, de humeris, de pectore, de uberibus, de brachiis, de manibus, de ungvibus, de ossibus, de nervis, de venis, de medullis, de pulmone, de compaginibus membrorum suorum, de omnibus juncturis, de toto corpore suo intus et extra, de quinque sensibus animae et corporis, nullumque locum in ipsa habeant intus et foris amplius, ut sana et salva fıat, per invocationem sanctissimi nominis unigeniti filii tui, et Spiritus Sancti paracliti. Tu ergo Deus pater piissime, qui dignatus es corpus et animam hujus creaturae tuae N. creare, digneris etiam totum corpus et animam ipsius salvare et salvam facere. Per dominum nostrum Jesum Christum filium tuum, qui tecum vivit et regnat in unitate ejusdem Spiritus Sancti Deus per omnia saecula saeculorum. Amen. Deinde exorcista Breve Apostolicum cum thure et myrha benedicta alligabit collo ejus, dicatque infirmo, ut reverenter et devote portet, et ne perdat, sedule intendat, post hoc det ei herbas benedictas, unde faciat balneum, ultimo aquam, oleum, panem et vinum benedictum dabit illi, oleum autem ad bibendum, quam ad ungendum se erit. 421
