Page 412 [412]
OCR
Jecur testudinum et conchas inferiores bene exsicet et conterat in pulveres, benedicat hoc modo. Exorcismus Exorcizo te creatura pulverum in nomine Pattris, et Fi +lii et Spiritus +Sancti, ut per hanc invocationem individuae trinitatis, ac unius virtute deitatis, omnis nequissima virtus adversarii, omnis inveterata malitia deaboli, omnis violenta incursio, omne confusum et coecum phantasma eradicetur, fugetur et discedat ab his pulveribus, et omnes, qui ex eis biberint vel sumpserint, flat sanitas super eos ab omni maleficio diabolico, ut non possit latere ulla malignorum spirituum nequitia. Per eundem dominum nostrum Jesum Christum, qui cum Deo Patre, et Filio et Spiritu Sancto vivit et regnat in saecula saeculorum. Amen. De cenomano Libori sancte patrone magne invocamus te, tu qui Deo gratus extitisti, eamque gratiam meruisti, ut adjuves, quos morbus caducus excruciat, quaesumus nos famuli, Deum pro nobis pius exora, ut hos pulveres bene+dicere et sancti+ficare dignetur, et ne ob scelera nostra in vita nos puniat morbo caduco, sed clemens liberet hoc saeculo; nobis quoque chorus angelorum succurrat in valle lachrymarum, ut post hanc vitae miseriam ducat nos omnes in coeli patriam. Amen. V. Adjutorium nostrum in nomine Domini R. Qui fecit coelum et terram V. Dominus vobiscum R. Et cum spiritu tuo Oremus Deus, qui sanctum miraculis clarum episcopum Liborium, profligatorem morbi caduci singulari gratia et privilegio donasti: quaesumus, ut per ejus merita et intercessionem hos pulveres bene+dicas et sanctitfices contra morbum et ab omni liberemur, ejusque gloriae in coelis participes esse mereamur. Per Christum dominum nostrum. Amen. Deinde aspergat aqua benedicta, post hoc ad poculum fundat recentam aquam, ter ponat in illam aquam ex pulveribus et ex benedicta ruta, bene commisceat, bibat infirmum et hoc frequentius usque dum vigorem sentiat corporis. 4II
