Seite 400 [400]
OCR
Deus, gui Abraham puerum tuum de Ur Chaldaeorum eductum, per omnes suae peregrinationis vias illaesum custodisti: quaesumus, ut hos famulos tuos custodire digneris; esto eis Domine in procinctu suffragium, in via solatium, in aestu umbraculum, in pluvia et frigore tegumentum, in lassitudine vehiculum, in adversitate praesidium, in lubrico baculus, in naufragio portus; ut te duce, quo tendunt, prospere perveniant, et demum incolumes ad propria revertantur. Adesto, quaesumus Domine, supplicationibus nostris, et viam famulorum tuorum in salutis tuae prosperitate dispone, ut inter omnes viae et vitae hujus varietates, tuo semper protegantur auxilio. Praesta, quaesumus omnipotens Deus, ut familia tua per viam salutis incedat, et beati Joannis praecursoris hortamenta sectando, ad eum, quem praedixit, secura perveniat dominum nostrum Jesum Christum filium tuum. Exaudi Domine preces nostras et iter famulorum tuorum propitius comitare, atque misericordiam tuam, sicut ubique es, ita ubique largire; quatenus a cunctis adversitatibus tua opitulatione defensi, gratiarum tibi referant actionem. Per Christum dominum nostrum. Resp. Amen. Pax et benedictio Dei omnipotentis, Patris +, et Filii, et Spiritus Sancti, descendat super vos, et maneat semper. Resp. Amen. Deinde aspergantur aqua benedicta. Quod si unus fuerit peregrinaturus, omnia dicuntur in numero singulari; ac si sacerdos ipse, qui benedicit, fuerit socius peregrinationis, dicat in persona prima numeri pluralis, quatenus congruere videbitur. b) A zarändoklatröl hazaterök megäldäsa Benedictio peregrinorum post reditum STR 1625, 176-177. Vers. Adjutorium nostrum in nomine domini. Resp. Qui fecit caelum et terram. Antiphona: Ecce sic benedicetur homo, qui timet dominum. Psalmus 127. Beati omnes, qui timent dominum [...] 399
