Oldal 388 [388]
OCR
Oremus Domine Jesu Christe, qui pro nostra salute suscipiens humanam naturam, te vestimento carnis induere dignatus es, benedictione sancta tua benedic+ ista parvula vestimenta, quae pro gratiis tibi exsolvendis cum omni devotione, sanctoque voto ac veneratione Beatissimae Mariae, infans iste (vel ista) super se suscepturus (vel .. .tura) est, infunde in eum (vel in eam) quaesumus tuam sanctam bene+dictionem, ut cum primum induerit hoc religioni simile vestimentum, intercedente beatissimo patre nostro Benedicto, descendat super eum (vel eam) gratia tua, et protegat eum (vel eam) ab omni malo mentis et corporis. Qui vivis et regnas in saecula saeculorum. Amen. Benedictio cinguli Oremus Deus, qui ut servum absolveres, filium tuum funibus ligari voluisti, bene+dic quaesumus cingulum istud, ut famulus tuus N. (vel famula tua N.), qui (vel quae) eo, velut ligamine cingetur, vinculorum ejusdem filii tui domini nostri Jesu Christi memor existat. Per eundem dominum nostrum Jesum Christum filium tuum, qui tecum vivit et regnat in unitate Spiritus Sancti Deus, per omnia saecula saeculorum. Amen. Aspergat aqua lustrali vestimenta et cingulum, adoleatque incenso. Deinde exuat eum suis vestimentis, et dicat: Eripiat Dominus de corde tuo pompas, quibus abrenuntiasti, dum baptismum suscepisti. Deinde psalmus recitabitur: Eripe me domine ab homine malo; a viro iniquo eripe me. Eripe me de inimicis meis, et ab insurgentibus in me libera me. Eripe me de operantibus iniquitatem, et de viris sangvinum salva me. [139.] Gloria Patri etc. Postea induat eum habitu dicens: Immittat in te Dominus sanctum religionis amorem, sanctoque fervore succendaris, et ardeas caelestium bonorum desiderio. Interim psalmus dicat: 387
