Page 371 [371]
OCR
Oremus Domine sancte Pater, omnipotens aeterne Deus, mitte Spiritum Sanctum tuum, cum angelis et archangelis, cum thronis et dominationibus, et cum eis omnes sanctos et electos tuos, ut et defendant segetes nostras a vermibus malis, et magnificetur nomen tuum in omni loco. Per Christum dominum etc. Oremus Bene+dic Domine hanc creaturam salis et aquae, ut fugiant vermes et volucres a nostris segetibus, propter nomen domini nostri Jesu Christi, quod invocatum est, in ipsa creatura messis: ut fiat alimentum omnibus, qui vivunt ex ea. Per eundem etc. Deinde benedicuntur segetes, addendo sequentes orationes, et Dominus vobiscum. Oremus Preces nostras quaesumus Domine clementer exaudi: ut qui juste pro peccatis nostris affligimur, et haec avium, vermium, seu murium, aut locustarum, vel aliorum animalium persecutionem patimur: pro tui nominis gloria, ab ea misericorditer liberemur; ut procul a tua potentia expulsi, nulli noceant, et hos campos, agros, vel vineas, hortos, aut aquas in tranquillitate et quiete dimittant, quatenus ex eis surgentia et orta tuae majestati deserviant, et nostrae necessitati subveniant. Per Christum etc. Oremus Omnipotens sempiterne Deus, omnium bonorum remunerator, et peccatorum maximus miserator; in cujus nomine omnia genuflectuntur coelestia, terrestria, et infernalia: tua potentia nobis peccatoribus concede, ut quod de tua misericordia confisi agimus, per tuam gratiam efficacem ejus consequamur effectum; quatenus hos pestiferos vermes, vel mures, vel aves, vel locustas, vel alia animalia per nos servos tuos maledicendo maledicas, segregando segreges, extermines: ut per tuam clementiam ab hoc malo liberati gratiarum actiones majestati tuae libere referamus. Per dominum etc. Exorcizo vos + pestiferos vermes, vel mures, aves, locustas, seu animalia, per Deum Patrem + omnipotentem, per Jesum + Christum dominum nostrum, per Spiritum Sanctum + ab utroque procedentem: ut confestim recedatis ab his campis, vel vineis, hortis, vel aquis, nec amplius in eis habitetis; sed ad loca transeatis, in quibus nemini nocere possitis. 370
