Page 369 [369]
OCR
c) A tejhaszon elvételére irányuló rontás ellen Benedictio contra maleficia lactis et butyri FT 1739, 95-97. Quando lac vel butyrum per incantationes invisibiliter aufertur, vel alium innaturalem defectum patiuntur, congruum est: ut sacerdos benedicat stabulum, vel saltem pecora; deinde lac vel butyrum defectuosum coram se positum exorcizet hoc modo: V. Adjutorium nostrum in nomine domini. R. Qui fecit coelum et terram. V. Domine exaudi orationem meam. R. Et clamor meus ad te veniat. V. Dominus vobiscum. R. Et cum spiritu tuo. Oremus Omnipotens et misericors Deus, qui sacerdotibus tuis tantam gratiam conferre dignatus es, ut quidquid in tuo nomine digne ab eis agitur, a te fieri credatur: quaesumus immensam clementiam tuam, ut quidquid benedicturi sumus, bene+dicas, et ad nostrum humilitatis introitum, omnium sanctorum tuorum meritis, fugentur daemones ab hoc domo, et ab his creaturis tuis, ad hominum usum a te destinatis, tollantur omnes fascinationes malignorum hominum; angelus pacis et salutis eos compescat, et cum omnibus maleficiis suis discedere compellat. Amen. Oremus Omnipotens sempiterne Deus, qui inter caetera clementiae tuae dona lactis et butyri substantiam hominibus ad usus vitae mortalis largiri dignatus es; te suppliciter deprecamur, ut lactis et butyri hujus substantiam bene+dicere digneris; quatenus servis tuis feliciter et copiose proveniat; et quisquis illo ad alimentum suum, vel aliam hujus vitae commoditatem uti voluerit, gratiam benedictionemque tuam sibi gaudeat adfuisse. Immensam clementiam tuam humiliter imploramus, ut a substantia lactis et butyri hujus, unionem fraudemque virulenti hostis benignus avertas; nihil hic nocumenti, nihil mortiferae corruptionis inferre praesumat, sed integrum et incorruptum servetur, ut cum gratiarum actione sumentes, vitae suae et sanitati prodesse sentiant ac laetentur. Per dominum etc. Aspergantur aqua benedicta. Si solum lac benedicatur, omittatur in precibus mentio butyri, et vice versa, si butyrum solum est infectum. 368
