Oldal 362 [362]
OCR
V. Adjutorium nostrum in nomine domini. R. Qui fecit coelum et terram. V. Domine exaudi orationem meam. R. Et clamor meus ad te veniat. V. Dominus vobiscum. R. Et cum spiritu tuo. Oremus Bene+dic Domine creaturam istam N., ut salutare remedium sit facturae tuae, quam pretioso sanguine redemisti, et praesta per invocationem tui sancti nominis (addi poteris etiam sanctus, in cujus honorem benedicetur) sancti N. servi tui, ut quisquis ea usus fuerit, benedictionem recipiat et sanitatem, atque contra omnes morbos, atque universas insidias diaboli et inimicorum tutamen sit. Et ego N., tuus sacerdos, in nomine tuo et divi N. tui, hanc creaturam N. benedico + et sanctifico +, ut sit defensio creaturis tuis, et ignis ardens daemoniorum: ut sit destructio et expulsio, atque annihilatio omnium facturarum et maleficiorum. In nomine Patris +, et Filii +, et Spiritus + Sancti. Amen. Aspergatur aqua benedicta.
