Oldal 198 [198]
OCR
dictum fuerit, Ut omnibus fidelibus defunctis reguiem aeternam donare digneris, te rogamus audi nos, surgit sacerdos, et intelligibili voce dicit: Ut hanc ecclesiam et altare ad honorem tuum, et nomen sancti tui N. purgare et benedicere + digneris, Te rogamus audi nos, cum dicit Benedicere, manu dextera benedicit ecclesiam, et altare: deinde, ut prius, genuflexit, donec perficiantur litaniae, et cantores prosequuntur: Ut nos exaudire digneris, te rogamus audi nos. Fili Dei, te rogamus audi nos. Agnus Dei, te rogamus audi nos. Dicto ultimo Kyrie eleison, sacerdos stans dicit: Oremus. Ministri: Flectamus genua. Resp. Levate. Praeveniat nos, quaesumus Domine, misericordia tua, et intercedentibus omnibus sanctis tuis, voces nostras clementia tuae propitiationis anticipet. Per Christum dominum nostrum. Resp. Amen. Tum distans ab altari congruenti spatio genuflexus, et se signans, dicit: Deus in adjutorium meum intende, et statim surgit clero respondente: Domine ad adjuvandum me festina. Ipse vero stans dicit: Gloria Patri, et Filio, et Spiritui Sancto. Chorus respondet: Sicut erat in principio, etc. Postea sacerdos dicit: Oremus. Ministri: Flectamus genua. Resp. Levate. Oratio Omnipotens et misericors Deus, qui sacerdotibus tuis tantam prae caeteris gratiam contulisti, ut quidquid in tuo nomine digne perfecteque ab eis agitur, a te fieri credatur, quaesumus immensam clementiam tuam, ut quidquid modo visitaturi sumus, visites; et quidquid benedicturi sumus, bene+dicas, sitque ad nostrae humilitatis introitum, sanctorum tuorum meritis, fuga daemonum, angeli pacis ingressus. Per dominum nostrum Jesum Christum, etc. His dictis inchoat antiphonam: Benedic Domine domum istam nomini tuo aedificatam. Cum tribus psalmis sequentibus, videlicet: Psalmus 119., 120., 121. Antiph. Benedic Domine domum istam nomini tuo aedificatam. 197
