Oldal 152 [152]
OCR
Sanctificetur et fecundetur fons iste oleo salutis renascentibus ex eo in vitam aeternam, in nomine Patris +, et Filii +, et Spiritus + Sancti. Resp. Amen. Deinde infundit de chrismate, modo quo supra, dicens: Infusio chrismatis domini Jesu Christi, et Spiritus Sancti paracliti, fiat in nomine sanctae Trinitatis. Resp. Amen. Postea accipit ambas ampullas dicti olei sancti et chrismatis, et de utroque simul in modum crucis infundendo dicit: Commixtio chrismatis sanctificationis, et olei unctionis et aquae baptismatis pariter fiat in nomine Patris +, et Filii +, et Spiritus + Sancti. Resp. Amen. Tum deposita ampulla, dextera manu oleum sanctum et chrisma infusum miscet cum aqua, et spargit per totum fontem. Deinde medulla panis manum tergit; et si quis baptizandus est, eum baptizat, ut supra. Quod si neminem baptizat, statim manus abluat, et ablutio effundatur in sacrarium. Benedictio fontis in casu necessitatis STR 1625, 53-54. Si fontem benedictum non habet sacerdos, benedicat hoc modo: V. Adjutorium nostrum in nomine domini. R. Qui fecit coelum et terram. V. Sit nomen Domini benedictum. R. Ex hoc nunc et usque in saeculum. V. Domine exaudi orationem meam. R. Et clamor meus ad te veniat. V. Dominus vobiscum. R. Et cum spiritu tuo. Oremus Exaudi nos, quaesumus omnipotens Deus, et in hujus aquae substantiam tuam immisce virtutem; ut abluendus per eam, et sanitatem simul et vitam mereatur accipere aeternam. Per Christum dominum nostrum. Resp. Amen. Exorcismus Exorcizo te creatura aquae, in nomine Dei Patris + omnipotentis, et in charitate domini nostri Jesu + Christi filii ejus, et in virtute Spiritus + Sancti, omnis virtus adversarii, omnis incursio Satanae, omnis phantasia daemonum eradicare et effugare ab hac creatura aquae, ut fiat fons aquae salientis in vitam aeternam; et 151
